Digitalt kulturminneatlas for kommunane i Møre og Romsdal

Hovudformål med kulturminneatlaset:
- Gje oversikt over kulturminna og kulturhistoria i kvar kommune.
- Auke kommunane sitt grunnlag for å kunne forvalte kulturminna på ein god måte.
- Gje auka kunnskap om kulturminna i kommunane, mellom anna til bruk i skulane, reiseliv m.m.

Kulturminna skal kunne registrerast gjennom eit elektronisk skjema med klare rammer for kategorisering og tillaten informasjon. Møre og Romsdal fylke vil utarbeide ei kategorisering av kulturminne som skal nyttast til dette. Kategoriseringa av kulturminna skal vere dynamisk, med rom for endringar i registreringsskjemaet. Det skal vere mogleg å lagre bilete og andre dokument tilknytt kulturminna. Det er ønskjeleg at koordinatfestinga av kulturminna skal gjerast gjennom direkte innlasting av GPS-data, ved hjelp av det digitale kartet og innlegging av koordinatar i ulike koordinatsystem.

Adresse til løysninga er: http://kulturminneatlas.avinet.no